ЖССТ шошилинч йиғилиш чақиради. Сабаб — маймунчечак эпидемияси

ЖССТ маймунчечак эпидемиясини муҳокама қилиш учун экспертларнинг фавқулодда йиғилишини чақиради.

Маймунчечак Aвстралия, Испания, Италия, Швеция, Буюк Британия, AҚШ, Португалия, Германия, Франция ва Бельгияда аллақачон қайд этилган.

Маймунчечакнинг дастлабки белгилари орасида иситма, бош ва мушаклардаги оғриқ кучайиши, титроқ ва чарчоқ киради. Касалланган одамларда тошма пайдо бўлиши мумкин, кўпинча тошма юзда бошланади ва кейин тананинг бошқа қисмларига, шу жумладан қўллар, оёқлар ва жинсий аъзоларга тарқалади.