ЖССТ коронавируснинг иккинчи тўлқини қачон бўлишини эълон қилди

ЖССТ коронавируснинг иккинчи тўлқини қачон бўлишини эълон қилди

Бутунжаҳон соғлиқни сақлаш ташкилоти (ЖССТ) Европадаги эпидемиологик вазиятнинг яхшиланишини шарҳлаган ҳолда коронавируснинг иккинчи тўлқини қачон бошланишини эълон қилди.

Бу ҳақда ташкилотнинг Европадаги минтақавий офиси директори Ханс Клюге очиқлади.Унинг таъкидлашича, аксарият Европа мамлакатларида вазият яхшиланган, аммо ҳукуматлар ҳозирча хотиржамликка берилишлари керак эмас.

Иккинчи тўлқин сентябрда бошланиши мумкин ва мавсумий гриппнинг тарқалишига тўғри келади. Бундай ҳолда, вазият бир неча мамлакатларда COVID-19 пандемияси туфайли мунтазам эмлаш тўхтатилганлиги сабабли янада кучаяди.

Клюгенинг қайд этишича, агар иккинчи авж олиш ўз вақтида тўхтатилмаса, коронавирус инфекциясининг янги ўсиши ҳалокатли бўлади.

Мутахассиснинг таъкидлашича, вакцина ҳали ихтиро қилинмаган, шунинг учун вазият "йил бошидаги каби яхши эмас".


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!