ЖССТ коронавирус пандемиясининг тугаши борасида янги тахминни билдирди
COVID-19 пандемиясининг тугаш вақти ҳақидаги янги прогноз тақдим этилди. Жаҳон соғлиқни сақлаш ташкилотининг Европа бюроси директори Ханс Клюге ўз баҳосини берди, деб ёзади Cursorinfo.
"Мен оптимистман, ишонаманки, келаси йили биз пандемиядан чиқамиз, лекин, албатта, коронавирус тугамайди", деди Клюге.
Унинг сўзларига кўра, инфекция билан яшашга тўғри келиши мумкин. "Лекин биласизми, бу гриппга ўхшайди. Гриппга қарши эмлашлар мавжуд. Ҳар йили улар янги штаммларга бироз мослашади ва одамлар эмланади, бу яхши эмас”, - дея қўшимча қилди ЖССТ вакили.
Унинг таъкидлашича, ҳар бир мамлакат алоҳида CОVID-19 тарқалишининг олдини олиш чораларини кўриши керак. Клюге соғлиқни сақлашга сармоя киритишга, шунингдек, дунё аҳолисининг камида 80-85 фоизини эмлашга чақирди. Унинг таъкидлашича, ЖССТ томонидан ишлаб чиқилган ва қабул қилинган вакциналар барча синов процедураларидан ўтган ва улар хавфсиздир.
