ЖССТ: Дунёда коронавирусга чалиниш ҳолатлари 2 фоизга ошди

ЖССТ: Дунёда коронавирусга чалиниш ҳолатлари 2 фоизга ошди

Ўтган ҳафтада Ер юзида 2,3 миллиондан ортиқ кишига COVID-19 ташхиси қўйилган. Уларнинг қарийб 7,5 минг нафари касаллик оқибатида ҳаётдан кўз юмди.

Жаҳон соғлиқни сақлаш ташкилотининг навбатдаги ҳисоботида қайд этилишича, 7-13 ноябрь кунлари коронавирусни юқтириш ҳолатлари ундан аввалги ҳафтага нисбатан 2 фоизга ошган. Ўлим кўрсаткичлари эса 30 фоизга камайди.

Беморлар сонининг кескин кўпайиши Ғарбий Тинч океани минтақаси (+18 фоиз), Жануби-Шарқий Осиё (+15 фоиз) ҳамда Жанубий ва Шимолий Aмерикада (+12 фоиз) қайд этилди.

Ўлим кўрсаткичларининг сезиларли камайиши асосан Aфрика (-86 фоиз), Жануби-Шарқий Осиё (-80 фоиз) ва Европада (-41 фоиз) кузатилди. Ғарбий Тинч океани (+14 фоиз) ва Шарқий Ўрта ер денгизи (+7 фоиз) минтақаси мамлакатларида аксинча, ўсиш динамикаси аниқланди.

Ўтган ҳафтада энг кўп беморлар рўйхатга олинган мамлакатлар:

Япония — 503 766,

Жанубий Корея — 355 990,

AҚШ — 281 955,

Германия — 184 987,

Хитой — 171 745.

Энг кўп ўлим ҳолатлари қайд этилган давлатлар:

АҚШ — 2 323,

Япония — 552,

Россия — 436,

Хитой — 410,

Франция — 390.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!