Johnson & Johnson коронавирусдан вакцинани одамларда синашни бошлайди

Johnson & Johnson коронавирусдан вакцинани одамларда синашни бошлайди

Компания раҳбари Пол Стоффелснинг айтишича, бу вакцинани ишлаб чиқаришни тезлаштиради. 

Синовларни АҚШ ва Бельгиядаги 1045 кўнгиллида бошлаш режалаштирилмоқда. Вакцина компанияга қарашли Janssen Pharmaceutical Companies томонидан ишлаб чиқилган.

10 май куни Пол Стоффелс компания 2021 йилгача коронавирусга қарши 1 млрд доза вакцина олишни мўлжаллаётганини айтган. Ўшанда клиник синовлар сентябрда ўтказилиши ва вакцинани оммавий ишлаб чиқариш декабрда йўлга қўйилиши режалаштирилган.

Аввалроқ АҚШ президенти Дональд Трамп АҚШда коронавирусга қарши 8 та вакцина устида ишлар олиб борилаётганини маълум қилган.

ЖССТнинг хабар беришича, айни вақтда дунёда коронавирусга қарши 100 дан кўпроқ вакцина устида иш олиб борилмоқда. 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!