Жиззахлик эркакни ваҳшийларча ўлдириб, чуқурга кўмиб юборишди. Нега?

Жиззахлик эркакни ваҳшийларча ўлдириб, чуқурга кўмиб юборишди. Нега?

Жорий йилнинг 12 июль куни Жиззах шаҳар ички ишлар органлари фаолиятини мувофиқлаштириш бошқармасига Зилол маҳалласида истиқомат қилувчи 1982 йил туғилган М.Ш. мурожаат қилиб, акаси 1964 йил туғилган М.Б.нинг йўқолиб қолганлигини билдирди.

Фуқаро М.Б. мактабгача таълим ташкилоти спорт тўгараги тарбиячиси бўлиб ишлаб келган. У жорий йилнинг 8 июль куни соат 02:00 лар атрофида маҳалласи ҳудудида спорт билан шуғулланиш учун югуришга чиқиб изсиз йўқолган.

Мазкур ҳолат юзасидан ички ишлар ходимлари томонидан тезкор қидирув ва суриштирув ишлари бошлаб юборилди. Натижада Шароф Рашидов тумани, Сарайлик маҳалла фуқаролар йиғинида истиқомат қилувчи 1987 йил туғилган Т.А.нинг фуқаро М.Б.ни бош ва энса соҳасига қаттиқ тўмтоқ жисм билан уриб, Обод маҳалла фуқаролар йиғини маъмурий биноси рўпарасидаги чуқурга кўмиб юборгани аниқланди.

Маълум бўлишича, фуқаро Т.А.нинг марҳум М.Б. дан пул қарзи бўлган. Фуқаро қарздорликни қайтармаслик учун мазкур қотилликка қўл урган.

Ҳолат юзасидан Жиноят кодексининг 97-моддаси билан жиноят иши қўзғатилган.   


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!