Жиззахлик эркак ИИБ ходимини дўппослади

Жиззахлик эркак ИИБ ходимини дўппослади

Жиззах шаҳрида яшовчи Таджиқулов Юрий (исми-шарифи ўзгартирилган) муқаддам жамиятда юриш-туриш қоидаларини қасддан менсимаслик, уриш-дўппослаш, баданга енгил шикаст етказиш, жамоат тартибини сақлаш вазифасини бажариб турган ҳокимият вакилининг қонуний фаолиятига фаол қаршилик кўрсатишда ифодаланган жиноятларни содир этганлиги сабабли 2018 йилнинг ўзида икки маротаба судланиб, жазо муддатини ўтаётган даврида яъни 2019 йил 3 апрель куни тунги соат 22:20 ларда укаси Я.Таджикулов билан бирга спиртли ичимликдан маст ҳолда Жиззах шаҳар Иттифоқ маҳалласидаги “Даная” номли озиқ-овқат ҳамда спиртли ичимликлар савдо дўкони олдида фуқаро Ж.Якубова (исми шарифи ўзгартирилган) ва Л.Уткина (исми-шарифи ўзгатирилган) билан жамоат тартибини бузиб, майда безорилик ҳаракатларини содир этишаётган вақтида, шу ҳудудга жамоат тартибини  сақлашлик учун  бириктирилган тунги хизмат вазифасини олиб бораётган Жиззах вилоят ИИБ ППХ ва ЖТСБ ходими Ч.Маликов (исми-шарифи ўзгартирилган) ва Й.Данишев (исми-шарифи ўзгартирилган) уларни ажратиб, воқеага аниқлик киритиш мақсадида, Ю.Таджикуловни ўзларига бириктирилган “Нексия” русумли хизмат автомашинасига миндиришган вақтида, Ю.Таджикулов ушбу автомашинанинг орқа ўнг ойнасини синдириб, ИИБ ходими Ч.Маликовнинг қонуний фаолиятига қаршилик кўрсатиб, қасддан ўнг кўз юз қисмига қўли билан уриб тан жароҳати етказган.

Судга оид тиббиёт экспертизанинг хулосасига кўра Ч.Маликовнинг танасида “ўнг кўз юқори ва пастки қовоқда қонталаш, юқори лаб соҳасидаги лат яра ва юмшоқ тўқималар лат ейиши” каби тан жароҳатлари борлиги аниқланиб, оғирлик даражаси бўйича соғлиқнинг қисқа муддатга бузилишига олиб келмаган Енгил тан жароҳати деб баҳоланган.

Ю.Таджикулов хатти-харакати билан Ўзбекистон Республикаси ЖК 219-моддаси 1-қисмида назарда тутилган қаршилик кўрсатиш, яъни хизмат вазифасини бажараётган ҳокимият вакилининг қонуний фаолиятига фаол қаршилик кўрсатишда ифодаланган жиноят содир этган.

Жиноят ишлари бўйича Жиззах шаҳар судининг 2019 йил 24 июнь кунги хукми билан Ю.Таджикулов хатти-харакати билан Ўзбекистон Республикаси ЖК 219-моддаси 1-қисмида назарда тутилган жиноятни содир этганликда айбдор деб топилиб, ЖКни 60-моддасига асосан 1 йил муддатга оходликдан махрум қилиш жазоси тайинланди, жазо қаттиқ тартибли калонияларда ўташлик ҳамда Ю.Таджикуловдан Жиззах вилоят ИИБ ППХ ва ЖТСБ фойдасига 157.719,2 сўм моддий зарар ундириш белгиланди.

 

  Э.Қаршиев, Жиноят ишлари бўйича Жиззах шаҳар судининг судьяси 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!