Жиззахда фуқаро маҳалла раисини пичоқлади

23 июнь, шанба куни Жиззах вилоятининг Ғаллаорол туманида фуқаро маҳалладоши бўлган МФЙ раисига пичоқ билан жароҳат етказган.
 
ИИВ Матбуот хизматининг маълум қилишича, Қорақўйли қишлоғида яшовчи Асрор Бобоев (исми ўзгартирилган) ароқ ичиб, уйи олдида жанжал кўтаради.
 
Мастлик натижасида ҳамқишлоғи, “Қашқабулоқ” МФЙ раиси Комил Эгамов (исми ўзгартирилган) нинг айрим жойларига пичоқ билан уриб, жароҳат етказади.
 
Мудҳиш воқеадан сўнг МФЙ раиси Комил Эгамов шифохонага ётқизилган. Асрор Бобоев эса қўлга олинган.

Manba: qalampir.uz