Жанубий Кореяда 80 йил ичидаги энг кучли ёмғир етти кишининг ҳаётига зомин бўлди

Сеулда кучли ёмғир етти кишининг ҳаётига зомин бўлди, – деб хабар беради "Yonhap".

Корея Республикаси расмийлари хабарига кўра, пойтахт ва унинг атрофида 6 киши бедарак йўқолган, 10 нафарга яқин одам эса жароҳатланган.

Бундан ташқари, Сеул ва унга яқин жойлашган бошқа бир қанча шаҳарларда кўплаб маъмурий бино ва турар-жой иншоотлари, шунингдек, магистрал ва метро стансиялари сув остида қолган.

Ҳозирда мамлакат пойтахтида кузатилаётган кучли ёмғир ёғиши сўнгги 80 йилдаги энг кучли жала бўлгани хабар қилинди.