Жанубий Корея КХДРга сулҳ келишувини таклиф қилмоқда — Reuters

Жанубий Корея президенти Ли Чжэ Мён Корея яриморолида тинч-тотув яшаш ва кескинликни пасайтириш учун КХДР билан мулоқот бошлашга чақирди. У 1953 йилдан бери амал қилиб келаётган ҳарбий сулҳ келишувини тўлиқ тинчлик режими билан алмаштириш зарурлигини билдирди.

Ли, шунингдек, Пхеньяннинг ядровий салоҳиятини чеклаш бўйича КХДР ва бошқа манфаатдор томонлар билан музокаралар ўтказишни таклиф қилди. Сеул кескинликни пасайтириш ва можаронинг авж олишини олдини олиш учун доимий механизмлар яратишини маълум қилди.