Жалақудуқ тумани карантин пайтида ўтказилган оммавий акция бўйича муносабат билдирди
2020 йил 25 май куни Жалақудуқ туманида ўтказилган “Соғлом ҳаёт учун 5000 қадам” пиёда юриш акцияси ижтимоий тармоқларда кенг муҳокамага сабаб бўлди. Ушбу масала юзасидан Жалақудуқ тумани ҳокимлиги Матбуот хизмати қуйдагиларни маълум қилади.
Ўзбекистон Республикаси Президентининг 2020 йил 21-22 май кунлари Андижон вилоятига қилган ташрифи давомида “Соғлом ҳаёт учун 5000 қадам” акциясини амалга ошириш борасида таклиф ва кўрсатмалар берган.
Шуни айтиш жоизки, “Соғлом ҳаёт учун 5000 қадам” акцияси Жалақудуқ туманида туман ҳокими Фурқатбек Бузруков бошчилигида сектор раҳбарлари, туман санитария эпидемиология осойишталик маркази мутахассислари, туман тиббиёт бирлашмаси масъуллари ва бошқа тааллуқли мутасаддилар назоратида карантин, тартиб-қоидаларига амал қилган ҳолда ташкил қилинган.
Акцияда қатнашган барча иштирокчилар масъуллар назоратидан ўтказилиб, дезинфекция қилинган ҳолда иштирок этишларига рухсат берилган.
Бундан ташқари акция ўтказиладиган ҳудудда доимий дезинфекция ишлари олиб борилган ва акция аввалида ҳам ҳудуд зарарсизлантирилган.
Маълумот ўрнида айтиш жоизки, ушбу акция давом этмоқда. Ўз соғлиғини ўйлаган каттаю кичик ўз маҳаллаларида ушбу ташаббусни амалга оширмоқдалар.
Ҳурматли Юртдошлар, ҳеч бир раҳбар ўзининг халқи учун ёмонликни раво кўрмайди, юқорида айтилган фикрлардан келиб чиққан ҳолда тўғри хулоса чиқариб, бугунги кунда юртимиз карантин режимида эканлигини инобатга олиб, гарчи туманимиз яшил ҳудудга ўтган бўлсада, карантин тартиб-қоидаларга қатъий амал қилган ҳолда иш кўришингизни, “Соғлом ҳаёт учун 5000 қадам”акциясини ўзингиз яшаб турган маҳаллангизда ҳам ўтказишингиз мумкин эканлигини унутманг.
Бизнинг мақсадимиз, яхшилик йўлида, теран ва чуқур ўйланган ҳолда борар экан, Бпрча муаммолардан биргаликда чиқиб кетамиз.
Барча қилинаётган ишлар, халқимизни хаётдан рози бўлиши ва эртанги куннинг порлоқ келажаги учун!
Жалақудуқ тумани ҳокимлиги Матбуот хизмати
