Жаҳон банки эксперти "Аркбулоқ" божхона пости фаолияти билан танишди

Жорий йилнинг 14 ноябрь куни кўп йиллар Франция божхона хизматида хизмат қилган Жаҳон банки эксперти Мишель Зарноветский юртимизга ташриф буюриб, Ўзбекистон Тошкент шаҳар божхона бошқармасининг "Аркбулоқ" божхона пости фаолияти билан танишди.

Учрашувда даставвал экспертга божхона соҳасида жорий этилган янги ахборот тизимлари, уларнинг имкониятлари батафсил таништирилди.

Сўнгра, жаноб М.Зарноветский божхона постидаги экспорт-импорт операциялари, божхона омбори иш фаолияти, божхона ва юк операциялари жараёни қай тартибда амалга оширилаётганлигини кузатди.

Мутахассис бевосита божхона кўригида қатнашиб, тадбиркорлар, шунингдек божхона кўригини амалга ошираётган божхоначилар билан суҳбатлашди.