«Жаҳаннам чақириғи» сериаллар бўйича «Калмар ўйини»дан ўзиб кетди

«Жаҳаннам чақириғи» сериаллар бўйича «Калмар ўйини»дан ўзиб кетди

Netflix’да тақдим қилинган янги сериал томоша қилиниш сони бўйича «Калмар ўйини»ни ортда қолдирди. Эндиликда «Жаҳаннам чақириғи» (Hellbound) номли сериал платформада етакчилик қилмоқда.

Жанубий Кореяда суратга олинган сериал айни вақтда 80 дан ортиқ мамлакатнинг Netflix чартларида етакчилик қилмоқда. FlixPatrol analytics платформасининг маълумотларига қараганда, сериал 20 ноябрь, яъни тақдим қилинганидан 24 соат ўтиб етакчи бўла бошлаган. Умумий ҳисобда 46 кун биринчиликда бўлган «Калмар ўйини» эса айни дамда иккинчи ўринда.

Маълумот учун, «Жаҳаннам чақириғи»— антиутопия жанридаги сериал ҳисобланади. Сюжетга кўра, баҳайбат махлуқлар асосий қаҳрамонларни таъқиб қилиб, уларни жаҳаннамга юбориш учун овлашга уринади. Бу эса оммавий жазаванинг пайдо бўлиши ва диний фанатизмнинг тарқалишига олиб келади. Сериал эпизодининг премьераси 2021 йил сентябрда, Торонтодаги кинофестивалда бўлиб ўтган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!