Италияда карантин 3 майгача узайтирилиши мумкин

Италия ҳукумати коронавируснинг мамлакатда тарқалишини чеклаш бўйича кўрилган чораларни 3 майгача узайтирмоқчи. Бу ҳақда мамлакат бош вазири Жузеппе Конте маълум қилди.

Агентлик маълумотларига кўра, пайшанба куни Италияда интенсив терапия бўлимида ётган беморлар қаторасига тўртинчи кун камайган. Бу ҳақда Фуқаролар ҳаётини ҳимоя қилиш департаменти хабар берди. Ҳозирда Италияда 3 605 нафар шундай бемор бор, бу чоршанба кунига нисбатан 88 нафарга кам дегани. Департаментнинг хабар беришича, мамлакатда 96 877 киши COVID-19 вирусини юқтирган.

Шифокорлар гилдиялари федерацияси (FNOMCEO) маълумотларига кўра, кеча Италияда икки шифокор коронавирусдан вафот этган. Жами, вирусдан вафот этган шифокорлар сони 105 кишига этди.