Италия Ташқи ишлар вазирлиги хориждаги элчихоналарга қарши жиноятлар ҳақида хабар берди

Италия ташқи ишлар вазирлиги мамлакатнинг хориждаги дипломатик ваколатхоналари ва элчихоналари ходимларига қарши жиноятлар ҳақида маълум қилди.

“РИА Новости”нинг департаментга таяниб хабар беришича, 27 январь куни Барселонадаги Бош консуллик биносининг ойнаси синган ва бино олдидаги девор ифлосланган.

Бундан ташқари, Берлинда Италия элчихонаси ходимининг дипломатик рақамлари туширилган автомобил ёқиб юборилган.

"Ҳукумат бизнинг расмийлар ва дипломатик ваколатхоналаримизга нисбатан янги зўравонлик ҳолатларини хавотир ва диққат билан кузатмоқда", деди Италия Бош вазири Жоржа Мелони.