ISW: Россия ҳукумати Украина билан чегарадош ҳудудлардаги рейдларга қандай жавоб қайтаришни билмайди

Урушни ўрганиш институти экспертлари ўзининг янги ҳисоботини Россия ҳукумати Украина билан чегарадош ҳудудлардаги рейдларга қандай муносабатда бўлиши масаласига бағишлади.

Улар Россияда ҳукуматнинг турли даражалари ҳаракатларни мувофиқлаштира олмайди ва чегара ҳудудларидаги воқеаларга қандай муносабатда бўлишни билмайди, деган хулосага келди.

"Хусусан, Белгород вилояти губернатори хатти-ҳаракатлари унинг ҳаракатларини Мудофаа вазирлиги билан мувофиқлаштирмаётганидан далолат беради", — дейилади ҳисоботда.