Исроилнинг Ғазога ҳужуми оқибатида 20 фаластинлик ҳалок бўлди
Гувоҳлар ва тиббий манбаларга кўра, Исроилнинг Ғазо секторидаги айрим ҳудудларга ҳаво ҳужуми натижасида 20 нафар фаластинлик ҳалок бўлган, улар орасида аёллар ва болалар ҳам бор.
Эрта тонгдан Исроил қўшинлари турар-жой ҳудудлари, одамлар гуманитар ёрдам кутаётган жойлар ва шахсий уйларни нишонга олмоқда.
Ғаза шаҳарининг шимоли-ғарбидаги Туван ҳудудида Султон оиласининг квартирасига қилинган ҳужумда 14 киши ҳалок бўлди, яна кўп одамлар яраланди.
Шайх Ридвон маҳалласида тинч аҳоли тўпланадиган жойга қилинган ҳужумда 4 киши ҳалок бўлди. Хабарларга кўра, Исроил аскарлари уйлар ва биноларни вайрон қилиш учун портловчи роботлардан фойдаланган, ҳудудни артиллерия ва пулемётлардан ўққа тутган. Шулайдек, Шуджай маҳалласи шарқий қисми ҳам артиллериядан ўққа тутилди.
Дейр ал-Балохда, секторнинг марказий қисмида, Ал-Аксо шаҳидлари шифохонаси яқинидаги чодирга қилинган ҳужумда кўплаб фаластинликлар яраланди.
Ғазо сектори жанубидаги Рафаҳ шаҳрида Исроил гуманитар ёрдам кутаётган одамларга ҳужум қилиб, бир киши ҳалок бўлди.
Бундан ташқари, Хон Юнусда исроиллик учувчисиз самолёт Ал-Наср касалхонаси боғида Соғлиқни сақлаш вазирлиги ходимларига ҳужум қилиб, бир киши ҳалок бўлди.
