Исроил ҳарбий-ҳаво кучларининг Суриянинг Тартус вилоятида уюштирган ҳужуми оқибатида 3 нафар аскар ҳалок бўлди

Сурия Мудофаа вазирлигининг маълум қилишича, Исроил ҳарбий-ҳаво кучларининг Дамашқ чеккаси ва Тартус провинциясига уюштирган ҳужуми оқибатида уч нафар суриялик аскар ҳалок бўлган, яна бир неча нафари яраланган.

Аввалроқ Суриянинг САНА давлат агентлиги Сурия ҳаво ҳужумидан мудофаа воситалари Исроил ҳарбий-ҳаво кучларининг Тартус провинцияси ва Ливан билан чегарадаги Қаламун тоғларида ҳужумини қайтараётгани ҳақида хабар берган эди.

Мудофаа вазирлиги маълумотларига кўра, Исроил ҳарбий-ҳаво кучлари икки томондан ҳужум қилган. Дамашқ чеккасига Ливан пойтахти Байрутдан, Тартус провинциясига Ўрта ер денгизидан ҳужум уюштирилди.