Исроил билан келишув Ливанни шикоят қилиш ҳуқуқидан маҳрум этмоқда: Байрутдан кескин танқид
Исроил билан тузилган ҳадли (асосий) келишувнинг низо пайтида содир этилган жиноятлар бўйича Ливаннинг шикоят қилиш ҳуқуқидан воз кечишини кўзда тутувчи банди жиддий ён бериш ҳисобланади.
Бу ҳақда Ливан атроф-муҳит вазири Тамара аз-Зейн «РИА Новости» агентлигига маълум қилди.
«Ҳадли келишувнинг Исроил томонидан содир этилган жиноятлар бўйича ҳар қандай шикоятлар беришни тўхтатишни назарда тутувчи банди Ливаннинг ҳатто маънавий ҳуқуқидан ҳам воз кечишини англатади», — деди аз-Зейн.
Унинг сўзларига кўра, бундай қоида халқаро экологик ташаббусларнинг экологик қоидабузарликларни жиловлаш учун шикоят қилиш механизмидан фойдаланиш имкониятларини ҳам чеклаб қўяди.
Вазирнинг қўшимча қилишича, хавфсизликка таҳдид сақланиб қолаётгани ва Исроил қўшинларини олиб чиқиш жадвали мавжуд эмаслиги сабабли Ливан ҳукумати ҳозирча жабрланган кўплаб ҳудудларга кириш имконига эга эмас.
Шунингдек, у можародан кўрилган экологик зарар 512 миллион доллардан ортиққа, умумий тўғридан-тўғри зарар эса тахминан 11 миллиард долларга баҳоланаётганини маълум қилди.
