Ислом Каримовнинг қизи Ҳолливуддаги 3 та уйини сотувга қўйди

Ўзбекистоннинг биринчи президенти Ислом Каримовнинг кичик қизи Лола Каримова-Тиллаева ва унинг эри Тимур Тиллаев Ҳолливуддаги 3 та уйини сотувга қўйган. Бу ҳақда телеграмдаги "Zed News" канали хабар берди.

Лос-Анжелесдаги бу уйлар 2014 йилда сотиб олинган бўлиб, жами қарийб 19 млн. долларга баҳоланмоқда. Маълумотларга кўра, улар бу уйда яшамаган, фақат ижарага берган.

Биринчи уй. 2007-2014 йилларда NFL юлдузи Режи Буш ва унинг ўртоғи Ким Кардашянга тегишли бўлган 3 қаватли вилла (суратда) $6,5 млн.га баҳоланган. Уйда лифт, кинотеатр, бассейн ва спа бор.

Иккинчи уй. Марокашча услубда қурилган бу уй 6,4 млн. доллар билан савдога қўйилган.

Учинчи уй. Бассейн ва барбекю қиладиган майдонга эга бу уйнинг нархи 6 млн. доллар этиб белгиланган.