Ироқнинг энг йирик газ кони фаолияти тўхтатилди

Биласизми? / Хориж / Жиноят / Ҳодисалар
A A A
Ироқнинг энг йирик газ кони фаолияти тўхтатилди

Ироқ шимолидаги Khor Mor газ конининг оператори, БААда жойлашган Dana Gas, хавфсизлик таҳдидлари ва минтақавий кескинликнинг кучайиши сабабли асосий ишлаб чиқариш объектларидаги фаолиятини тўхтатди.

Бу ҳақда Al Jazeera компания вакилига таяниб хабар бермоқда.

Ишлаб чиқаришнинг тўхтатилиши минтақавий энергия ишлаб чиқариш қувватининг 2500 МВт га қисқаришига олиб келди. Катта миқдордаги газ захираларига эга бўлган Хор-Мор кони минтақада энергия ишлаб чиқариш учун асосий ёқилғи манбаи ҳисобланади.

Аввалроқ, Басрада дрон нефть танкерига урилганидан кейин барча Ироқ терминалларига хом нефть юклаш тўхтатилган эди.

Хор-Мор Ироқ Курдистонидаги энг йирик ва энг бой нефть ва табиий газ конларидан бири ҳисобланади. У Сулаймония губернаторлигида, Эрбилдан 180 км жануби-шарқда жойлашган. Ишлаб чиқувчи Pearl Petroleum консорсиуми (асосий иштирокчилар Dana Gas ва Crescent Petroleum). Геологик газ захиралари 300 миллиард кубометрдан ортиқ деб баҳоланмоқда.

Киритилди: 09:21 17.07.2026. Ўқилди: 1239 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар