Индонезияда коронавирусга қарши биринчи бўлиб президент эмланди

Индонезияда коронавирусга қарши биринчи бўлиб президент эмланди

Индонезия президенти Жоко Видодо кеча, 13 январь куни коронавирусга қарши эмланди. Оммавий эмлашни бошлаб берган ушбу жараён миллий телеканаллар орқали намойиш этилди. 

Президент маъмурияти раҳбари Херу Буди Хартоно ҳукумат аъзолари ишлаб чиқилган жадвалга мувофиқ бошқа кунларда эмланишини маълум қилди. 

Индонезияда Хитойнинг Sinovac вакцинаси тасдиқланган бўлиб, синовларда унинг самарадорлиги 65,3 фоизни ташкил этиши аниқланди. Хитойдан кейин ушбу вакцинани ўз ҳудудида қўллай бошлаган илк давлат айнан Индонезия бўлди. Декабрь ойида бу ерга уч миллион дозага яқин Sinovac олиб келинди. Жорий йилнинг биринчи чорагида яна 30 миллион доза, умуман эса 125 миллион дозага яқин Sinovac вакцинасини олиш режалаштирилган. Ҳукумат бошқа вакциналарни харид қилиш учун ҳам музокаралар олиб бормоқда. 

Индонезияда коронавирусга чалинганларнинг умумий сони 847 мингдан ошди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!