Иккинчи гуруҳ ногиронлигидан биринчи гуруҳга ўтказиш тартиби қандай?

Иккинчи гуруҳ ногиронлигидан биринчи гуруҳга ўтказиш тартиби қандай?

— Қизимга иккинчи гуруҳ ногиронлиги белгиланган. 2012 йилдан бери ногиронлик нафақасини оляпман. Аммо ҳозир қизим ўзи овқат емайди, юрмайди. Фақат ётади. Қизимни иложи бўлса биринчи гуруҳга ўтказсам бўладими?

— Ногиронлик тиббий-меҳнат эксперт комиссиялари (ТМЭК) томонидан берилган хулосаларга асосан белгиланади. Ҳукумат қарорига кўра “муддатидан олдин қайта тиббий кўрикдан ўтказиш, белгиланган тартибда, соғлиқнинг ҳолати ва ҳаёт фаолиятининг чекланганлик даражаси ўзгарганда, ногиронликни белгилашнинг тўғрилиги бош ТМЭК, Республика тиббий-ижтимоий экспертиза инспекцияси, Ўзбекистон Республикаси Молия вазирлигининг Назорат-тафтиш бош бошқармаси ва унинг ҳудудий бўлинмалари томонидан текширилганда, ТМЭК қарорининг асоссизлиги ҳолатлари аниқланганда, шунингдек агар ТМЭК қарори сохта ҳужжатлар асосида чиқарилганда ҳамда қонун ҳужжатларида назарда тутилган бошқа ҳолатларда амалга оширилади” (Вазирлар Маҳкамасининг 01.07.2011 й. 195-сон қарори билан тасдиқланган “Фуқароларни тиббий-меҳнат эксперт комиссияларида тиббий кўрикдан ўтказиш тартиби тўғрисида”ги Низом, 33-банд), деб кўрсатилган.

Юқоридагиларга асосан қизингизни ҳолатида оғир ўзгаришлар бўлган бўлса ТМЭКга ариза билан мурожаат қилиб, қайта текширувдан ўтказишни сўрашингиз лозим. ТМЭК аризангизга асосан 15 кун давомида қайта текшириш ўтказиб, ногиронликни белгилаб беради.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!