Икки кун ичида 19 млрд доллар йўқ! Нега?

Amazon раҳбари ва эгаларидан бири, дунёдаги энг бой одам деб топилган Жефф Безос сўнгги икки кун ичида 19,2 миллиард доллар йўқотди. Бу ҳақда Bloomberg хабар берди.

Таъкидланишича, бундай йўқотишлар Amazon акцияларининг қийматини 26 октябрда 7,8%га, 29 октябрда эса 6,3%га пасайиши натижаси ҳисобланади. Компаниянинг даромадлари ҳақидаги ҳисобот акциялар қийматининг арзонлашишига олиб келган, улар кутилганидан ҳам ёмонроқ бўлди.

Аниқлик киритилишича, Безос бойлиги ҳозирги пайтда 128,1 миллиард долларни ташкил этади. Шу билан бирга, у ҳамон Bloomberg Billionaires Index - дунёдаги энг бой одамларнинг рейтингида биринчи ўринни эгаллаб турибди.