ИИО ходимлари хизмат вақтида чилим чекиб ўтирган видео тарқалди

Ижтимоий тармоқларда Ички ишлар органи ходимлари хизмат вақтида чилим чекиб ўтиргани акс этган видео тарқалди. Ушбу ҳолат юзасидан Ички ишлар вазирлиги матбуот котиби Шоҳруҳ Ғиёсов изоҳ берди.

Маълум қилинишича, мазкур ҳолат 2017 йилнинг август ойида Тошкент шаҳар Метрополитенда хавфсизликни таъминлаш бошқармаси ходимлари томонидан метрополитен хизмат хонасида содир этилган.

Ҳолат юзасидан хизмат текшируви ўтказилиб, ҳар бир ходимга нисбатан ўрнатилган тартибда интизомий жазо тайинланган.