Ибраҳимович 8 ойлик танаффусдан кейин машғулотларга қайтди

Златан Ибраҳимович жароҳатидан тўлиқ тикланиб, сафга қайтиш арафасида.

Швециялик 41 ёшли форвард бугун, 3 февралдан «Милан» жамоасининг жамоавий машғулотларида қатнашишни бошлади. «Россонерлар» А Серия доирасидаги «Интер»га қарши ўйинга тайёргарлик кўрмоқда.

Қайд этиш жоиз, Златан жароҳати сабабли 8 ойдан буён жамоасининг машғулотларида иштирок этмаётганди. У сўнгги марта 2022 йилнинг 22 май куни майдонга тушганди. Шундан кейин тиззасидаги жароҳати сабабли жарроҳлик амалиётини бошдан кечирган футболчи тикланиш жараёнини ўтказаётган эди.