Ҳуқуқбузарлик ва жиноятчиликка қарши курашганларга пул мукофоти берилади

Энди жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишда фаол иштирок этган ва ўртача ёки оғир тан жароҳати олган ёхуд ҳалок бўлган шахсларга бир марталик нафақа тайинланади. Ушбу тартиб Ҳукумат қарори билан белгиланди.

Бир марталик нафақа миқдорлари қуйидагича:

• ўртача тан жароҳатида – БҲМнинг 20 баравари;
• оғир тан жароҳатида – БҲМнинг 50 баравари;
• фуқаро ҳалок бўлганида – БҲМнинг 100 баравари.

Нафақалар тайинлашга профилактика органларининг суд-тиббий хулоса ёки ўлим ҳақидаги гувоҳнома илова қилинган тақдимномасига асосланган комиссия қарори асос ҳисобланади.