Ҳисоблаб чиқилди! Трамп Президент сифатида 20 минг мартадан кўпроқ ёлғон гапирган

АҚШ Президенти Дональд Трамп 2017 йил январидан 2020 йилнинг 9 июлига қадар ҳақиқатга зид бўлган 20.055 очиқ баёнот билан чиққан, дея хабар бермоқда “Washington Post”.

Нашр маълумотларига кўра, нотўғри бўлган баёнотлар турли ички ва халқаро мавзуларда, жумладан, импичмент жараёни, коронавирус пандемияси ва афроамерикалик Жорж Флойднинг ўлими билан боғлиқ воқеалар ҳақида бўлган.

Шунингдек, АҚШ президенти ҳақиқатни бузиб кўрсатиб, Америка иқтисодиётининг ҳозирги ҳолати мамлакат тарихидаги энг яхши ҳолат эканлигини айтган.

“Бундан ташқари, Трамп доимий равишда Мексика билан чегарада девор қуриш ва Америка тарихидаги энг катта солиқ имтиёзлари ҳақида гапирган, аммо бу ҳам ҳақиқат эмас”, дейилади хабарда.