Ҳиндистонда тош кўчкиси: 9 киши ҳалок бўлди
Ҳиндистоннинг шимолий Химачал-Прадеш штатида тош кўчкиси дарёдаги кўприкни бузиб юборди. Тўққиз киши тошлар қулаб тушаётганда уларнинг машинасини босиб қолгани туфайли ҳалок бўлди. Бу ҳақда Reuters ахборот агентлиги хабар бермоқда.
Aгентликнинг таъкидлашича, қурбонлар Ҳиндистоннинг бошқа ҳудудларидан келган сайёҳлар бўлиб, бир неча киши жароҳат олган. Жасадларни олиб кетиш учун воқеа жойига вертолёт етиб келди.
Гувоҳлар томонидан олинган кадрларда тошлар қандай қилиб катта тезлик билан тепаликдан учиб тушаётгани акс етган.
# КЎРИНГ | Ҳимачал-Прадеш: Киннаур туманидаги кўчки туфайли тошлар пастга ағдарилиб, кўприк қулаб тушди; транспорт воситалари шикастланган пиc.тwиттер.cом/AфБвРгСхн0
- AНИ (@AНИ) 2021 йил 25-июл
Бош вазир Нарендра Моди қурбонларнинг оилаларига ҳамдардлик билдирди.
Ёғингарчилик мавсуми Ҳиндистонда ҳар йили июн ойидан сентябр ойигача бўлганлиги сабабли Ҳиндистоннинг айрим қисмларига кучли ёғингарчилик туфайли кўчкилар ва тошқинлар тушди. Хусусан, июл ойида кучли ёмғирлар натижасида юзага келган кўчки туфайли Ҳиндистон ғарбий қисмидаги Махараштра штатида 136 киши ҳалок бўлди.
