Ҳиндистонда энг кўп қидирилаётган жиноятчи қўлга тушди

Ҳиндистонда энг кўп қидирилаётган жиноятчи қўлга тушди

Пайшанба куни Ҳиндистон полицияси мамлакатнинг энг кўп қидирилаётган жиноятчиси, ўтган ҳафта саккизта полиция ходимини ўлдиришда айбланаётган Викас Дубейни ҳибсга олди.

“NDTV” каналининг хабар беришича, “гангстер” Мадхья-Прадешнинг Ужайн шаҳрида қўлга олинган.

Маълумотларга кўра, маҳаллий савдогар жиноятчини ибодатхонага кираверишда кўрган ва полицияга хабар берган.

Аввалроқ, расмийлар Дубейни энг кўп қидирилаётган жиноятчи деб аташган ва унинг қаердалиги тўғрисида маълумот учун 500 минг рупий (6.6 минг доллардан ортиқ) миқдорида мукофот пули ваъда қилишган эди.

Ўтган жума куни шимолий Уттар-Прадеш штатида жиноятчилар тўдаси билан бўлган отишмада саккиз нафар полициячи ҳалок бўлган, 12 киши жароҳатланган. Жиноятчилар тўдалар етакчиси Дубейни ҳибсга олиш учун Канпур туманидаги қишлоқлардан бирига келган 40 нафар полициячига қарата ўқ узишган.

Қотиллик, товламачилик ва одам ўғирлашда айбланаётган Дубейга нисбатан 60 та жиноий иш қўзғатилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!