Ҳиндистонда амалдор бўлган ҳарбий вертолёт қулаб тушди, қурбонлар кўп
Ҳиндистон Қуролли Кучлари бош штаби бошлиғи генерал Бипин Рават бўлган Ҳиндистон ҳарбий-ҳаво кучларида вертолётнинг қулаши оқибатида ҳалок бўлганлар сони 13 кишига етди. Бу ҳақда NDTV телеканали хабар берди.
Aввалроқ телеканал беш киши ҳалок бўлгани ҳақида хабар берган эди. Бош штаб бошлиғининг ҳолати расман эълон қилинмаган.
Ҳиндистон Ҳарбий-ҳаво кучлари матбуот хизмати чоршанба куни Тwitterда Генерал Рават бўлган Ҳарбий ҳаво кучларининг Ми-17Б-5 вертолёти Тамилнаду штатининг Кунура шаҳри яқинида қулаганини маълум қилди. Ҳодиса сабабларини аниқлаш учун тергов ишлари бошланган.
Раватга рафиқаси ва юқори мартабали ҳарбий хизматчилар ҳамроҳлик қилган.
Мудофаа штаби бошлиғининг вазифаси Ҳиндистон Қуролли Кучларининг барча учта бўлими: қуруқлик қўшинлари, ҳаво кучлари ва денгиз флотининг ҳаракатларини мувофиқлаштиришдир. У хавфсизлик ва мудофаа таъминоти масалалари бўйича Бош вазир билан бевосита алоқада бўлиши ва унга мудофаани узоқ муддатли режалаштириш ва Қуролли Кучларни бошқариш бўйича маслаҳат бериши керак. Шу билан бирга, қуруқликдаги қўшинлар, денгиз флоти ва ҳаво кучлари штаб бошлиқлари Бош штаб бошлиғига бўйсунади.
