Ҳиндистон ядровий заряд таший оладиган “Агни-3” ракетасини муваффақиятли синовдан ўтказди

Ҳиндистон ядро жанговар зарядини таший оладиган “Агни-3” баллистик ракетасининг синов парвозини амалга оширди, деб маълум қилди The Indian Express газетаси пайшанба куни республика мудофаа вазирлиги маълумотига таяниб.

“Ракета Бенгал қўлтиғида жойлашган Одишо штатининг шарқида Абдул Калам оролидаги полигондан учирилди. Мазкур синов стратегик кучлар қўмондонлиги мунтазам амалга ошириб келаётган машқ парвозларининг бир қисми ҳисобланади, – дейилади вазирлик тарқатган баёнотда.

"Агни-3" 3,5 минг километргача уча олади. Узунлиги 17, диаметри 2 метр, учиш стартида оғирлиги 50 тонна келадиган мазкур ракета Ҳиндистон қуролли кучлари ихтиёрига берилган.