Ҳиндистон ТИВ Эрон вакилини чақиртирди

Ҳиндистон Ташқи ишлар вазирлиги Ҳўрмуз бўғозидаги савдо кемаларига қилинган ҳужум, оқибатда бир нафар денгизчининг ҳалок бўлиши муносабати билан Эроннинг Нью-Делидаги элчихонаси вакилини чақиртирди.

Бу ҳақда Ҳиндистон ТИВ расмий вакили Рандхир Жайсвал Х ижтимоий тармоғида эълон қилган баёнотда айтилади.

«Бугун эрталаб Эроннинг Нью-Делидаги дипломатик миссияси раҳбари ўринбосари Ташқи ишлар вазирлигига чақирилди ва унга мазкур ҳужумларга нисбатан қатъий норозилик билдирилди», — дейилади хабарда.

Ҳиндистон ТИВ, шунингдек, Ҳўрмуз бўғозидаги «Mombasa» ва «Bahia» кемаларига қилинган ҳужумларни қоралади. Иккала кема бортида жами 30 нафар ҳиндистонлик денгизчи бўлгани ва улардан бири ҳалок бўлгани маълум қилинди.