Ҳасанбой Дўсматов фаолиятини профессионал боксда давом эттиради
2016 йилги Рио Олимпиадаси чемпиони Ҳасанбой Дўсматов фаолиятини профессионал боксда давом эттиради, деб ёзади GoSport.
Таъкидланишича, Дўсматов АҚШда фаолият олиб боради. У «Мир бокса« промоутерлик компанияси таркибида жангларда иштирок этади.
Ҳасанбой Дўсматов профессионал боксда ўта енгил (-50,80 кг) вазн тоифасида фаолият олиб бориши кутилмоқда.
Маълумот учун, айни вақтда «Мир бокса« промоутерлик компанияси билан ўзбекистонлик бир қатор боксчилар, жумладан, Шаҳрам Ғиёсов (8 та ғалаба, 6 та нокаут), Муроджон Аҳмадалиев (6 та ғалаба, 5 та нокаут) ва Исроил Мадримов (3 та ғалаба, 3 та нокаут) расмий шартнома тузган ҳолда фаолият олиб бормоқда. Бундан ташқари Бектемир Мелиқўзиев (1 та ғалаба, 1 та нокаут) ҳам шу компания қўл остида машғулотлар олиб боради, аммо Мелиқўзиев ва «Мир бокса« ўртасида шартнома тузилгани ҳақида расмий маълумотлар берилмаган.