Ҳар йили камида 7 млн одам ўлимига ҳавонинг ифлосланиши сабаб бўляпти — ЖССТ

ЖССТ дунё давлатларига ёқилғидан фойдаланишни камайтириш бўйича қатъий кўрсатмалар берди. Экспертлар ёқилғидан фойдаланишни қисқартириш ҳаво ифлосланишини 2 баробар камайтиради деган фикрда. Бу – Ер атмосфераси сабаб бўлаётган ўлимларни 80 фоизга қисқартиради.

ЖССТ бош директори Тедрос Адҳаномга кўра, ҳавонинг ифлосланиши инсоннинг бутун тана аъзоларидан тортиб, она қорнидаги чақалоқ ривожланишигача салбий таъсир ўтказяпти. Бу ҳар йили камида 7 млн одамни ҳаётдан олиб кетяпти.