Ҳабиб Нурмагомедов фаолиятидаги сўнгги жангини кимга қарши ўтказади?
Ҳабиб Нурмагомедов ўз карьерасида сўнгги жангни канадалик яккакурашчи Жорж Сен-Пьерга қарши ўтказиши мумкин. Бу ҳақида UFC раҳбари Дэйна Уайт ўз твиттерида хабар қилди.
“Конор реванш ўтказишни истайди. У буни Нурмагомедов билан бўлиб ўтган сўнгги жангидан бери истайди. Билмадим, буни ташкил қилишнинг иложи бўладими, йўқми. Агар Нурмагомедов сўнгги жангини Сен-Пьерга қарши ўтказишни эълон қилса, албатта, бу жангни ташкил қилиш мумкин. Ҳабиб спорт ва жангларда ўзини жуда яхши кўрсатди. Ҳабиб менга жуда ёқади, шунинг учун мен уни у нимаки истаса, ташкил қилишга розиман”, – дейди Уайт.
Шу йилнинг октябрида БААда бўлиб ўтадиган жангда Ҳабибнинг рақиби америкалик Жастин Гэтжи бўлиши кутилмоқда.
Бироз олдин Ҳабиб Сен-Пьерга қарши кураш ўтказиши мумкинлигини хабар қилганди, лекин канадалик спортчи 2019 йилда карьераси тугаганини маълум қилди. 39 ёшли Сен-Пьер фақат Нурмагомедовга қарши кураш учун риннгга қайтиши мумкинлигини айтганди.
Эслатиб ўтамиз, Ҳабиб Нурмагомедовнинг отаси Абдулманноп Нурмагомедов 3 июл куни коронавирус оқибатидан вафот этган. Шундан сўнг Ҳабиб отаси Доғистонда олиб борган бир неча спорт иншоотларини қуриб битказиш учун ўзининг спорт карьерасини тугатиши мумкинлиги ҳақида хабарлар пайдо бўлган эди.
