Греция полицияси қочқинларни ечинтириб, калтаклади

Грецияга ноқонуний йўллардан ўтгани учун полиция томонидан ечинтирилиб, сўнг калтакланган бир гуруҳ яманлик ва фаластинлик қочқинлар Туркияга жўнатиб юборилган. Бу ҳақда CNN Türk хабар бермоқда.

Қочқинлар Эдирна вилояти Узункўприк туманидаги Киремитчи Солиҳ қишлоғидаги далада топилган. Қишлоқдагилар уларни чойхонага олиб бориб, исиниб олишларини таъминлаган. Уйларидан кийим-кечак олиб келиб, уларни кийинтирган. Шундан кейин қочқинлар жандармерияга топширилган.

“Қочқинларнинг таналарида калтак излари бор эди. Нима бўлганини сўраганимизда, грек полицияси калтаклаганини айтишди”, – дейди қишлоқ раиси Закий Оташ. 

Manba: azon.uz