GM Uzbekistan баъзи автомобилларини муддатли тўлов эвазига сотиш акциясини эълон қилди

GM Uzbekistan баъзи автомобилларини муддатли тўлов эвазига сотиш акциясини эълон қилди

GM Uzbekistan АЖ ва Ўзагросуғурта АЖ автомобиль харид қилиш истагида бўлган мижозларга қўшимча қулайлик яратиш мақсадида жисмоний шахсларга Chevrolet Malibu ва Tracker автомобилларини муддатли тўлов орқали сотиб олиш бўйича янги хизматни ишлаб чиқди. Бу ҳақда компания матбуот хизмати Халқ сўзи га маълум қилди.

Эндиликда харидор Tracker автомобили пулига (215 млн сўм) Malibu, Lacetti пулига эса (128 млн сўм) Chevrolet Tracker харид қилиши мумкин.

Янги суғурта тури Chevrolet Malibu ва Chevrolet Tracker автомобиллари учун айнан ушбу миқдордаги дастлабки тўловни амалга ошириб, ушбу автомобилларнинг эгасига айланиш имконини беради. Автомобилнинг қолган суммаси 12 ой давомида фоизсиз бўлиб тўланади.

Масалан бунда 215 млн 680 минг 575 сўмлик TRACKER AT маркали автомобилини дастлабки тўлов - 128 млн 679 минг 875 сўм (Lacetti 3-позициянинг пули) эвазига сотиб олиш ва қолган тўловни 12 ой давомида - ҳар ой 7 млн 250 минг сўмдан тўлаб бориш мумкин бўлади.

275 млн 781 минг 751 сўмлик MALIBU-2 учун эса дастлабки тўлов - 215 млн 680 минг 575 сўм (Tracker AT нинг пули)ни тўлаб, қолганини 12 ой давомида - ҳар ой 5 млн 8 минг сўмдан тўлаш мумкин бўлади.

Акция 14 февралдан 1 мартга қадар амал қилади. Акция бўйича ажратилган автомобиллар сони чегараланган. Қайд этиш жоизки, мазкур акцияда фақат дилерларда мавжуд бўлган ушбу моделдаги автомобиллар иштирок этади.

Шартнома тузилган вақтда Ўзагросуғурта мутахассислари ўша жойнинг ўзида муддатли тўловга берилаётган сумманинг 3% миқдорида молиявий хатардан, шунингдек муддатли тўлов суммасининг гаров қийматидан 1% миқдорда суғурта полисини расмийлаштиради. Автомобиль учун тўлиқ тўлов амалга оширилмагунига қадар дилерда гаровда бўлади. Ойлик тўловлар шартнома тузилган санадан кейинги ойнинг ҳар 15 санасигача амалга оширилиши лозим.

Қайд этиш жоизки, шартнома муддати ва тўлов шартлари бузилишга йўл қўйилган тақдирда келишув бекор қилинади.

Manba: xs. uz


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!