Германияда электр подстанцияси ёнидан шубҳали буюм топилди

Германия ғарбидаги Дормаген шаҳрида электр подстанцияси яқинидан шубҳали буюм топилди. Бу ҳақда N-TV хабар берди.

"Кёльн ва Дюссельдорф оралиғида жойлашган Дормагендаги подстанцияда шубҳали буюм топилганидан сўнг, полиция воқеани эҳтимолий диверсия сифатида текширмоқда", — дейилади хабарда.

Полиция вакилларининг билдиришича, топилган буюм портловчи қурилма бўлиши мумкин.

Ҳуқуқни муҳофаза қилувчи органлар атрофдаги бошқа электр подстанцияларини ҳам текширмоқда. Тергов давом этяпти.