Германия АҚШнинг вакциналар патентидан воз кечиш ҳақидаги чақириғига қарши

Германия канцлери Ангела Меркель COVID-19 вакциналари учун интеллектуал мулк ҳуқуқларидан воз кечиш таклифига қарши эканлигини билдирди.

АҚШ ишлаб чиқаришни кучайтириш учун, ушбу ғояни ёқлаётганди. Аммо Германия ҳукумати патентни муҳофаза қилиш инновация учун жуда муҳим ва ишлаб чиқариш жараёнларига ҳеч қандай тўсқинлик қилмайди деб таъкидламоқда.

Дори-дармон ишлаб чиқарувчи йирик фирмалар Меркель хоним тарафда. Кеча улардан бири Moderna ўзининг 11 йиллик тарихида илк бор чораклик даромад ҳақида эълон қилди. COVID-19 вакцинаси шарофати билан компания 2021 йилнинг биринчи чорагида $1,2 млрд фойда кўрган.