Футболда «жанг» бошланди

Футболда «жанг» бошланди

Футболда «жанг» бошланди: Европанинг 12 клуби янги Суперлига тузилганини эълон қилди. УЕФА эса клублар ва футболчиларга санкция қўлламоқчи.

Испаниянинг «Реал» «Барселона», «Атлетико», Италиянинг «Милан», «Интер», «Ювентус» ва Англиянинг «Арсенал», «Челси», «Ливерпуль», «Манчестер Сити», «Манчестер Юнайтед», «Тоттенҳэм» клублари янги Европа Суперлигаси ташкил этилганини эълон қилишди.

Ушбу янги турнирни тузишдан мақсад сифатида УЕФАнинг даромадларни бўлишдаги молиявий адолатсиз сиёсати кўрсатилмоқда.

Янги тузилган Суперлига президенти Флорентино Перес бўлади. Клублар бу мусобақани ташкил эта олишса, унинг ўйинларидан тушадиган фойда ўзаро тенг тақсимланади. 

Мусобақа 15та таъсисчи клуб ва мавсумдаги натижаларига кўра қўшиладиган яна 5 жамоа (жами 20та клуб) форматида ташкил қилиниши маълум қилинган. 

УЕФА ва ФИФА бу ташаббусга қарши. Нафақат қарши, ҳатто санкциялар қўлланиши маълум қилинмоқда.

ЕЧЛ ва ЕЛ ярим финал ўйинлари номаълум муддатга қолдирилди. УЕФА янги турнирда иштирок этган клублар миллий чемпионатларида қатнаша олмаслиги ва ҳаттоки футболчиларга ўз терма жамоаларида тўп суришни тақиқлаш ҳақида огоҳлантирмоқда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!