Футбол: «Бешиктош» президенти ва футболчиларида коронавирус аниқланди

A A A
Футбол: «Бешиктош» президенти ва футболчиларида коронавирус аниқланди

Туркиянинг «Бешиктош» клуби президенти Аҳмет Нур Чеби коронавирусга йўлиқди. Бу ҳақда истанбулликлар расмий сайтида маълум қилинди.

«Бешиктош» клубида барча футболчилар, ходимлар ва раҳбарият вакиллари қайтадан тестдан ўтган. Натижалар клубнинг саккиз нафар вакили COVID-19 инфекциясини юқтириб олганини кўрсатди. Клуб уларнинг исмини ошкор қилмаган. Ҳозирда касалланганлар даволанишга юборилган.

Кейинроқ «Бешиктош» клубнинг 61 ёшли президентида ҳам коронавирус аниқланганини маълум қилди.

Туркия чемпионати пандемия сабаб март ойида тўхтатилганди. Мавсум 12 июндан қайта тикланиши режа қилинган.

Туркияда 15 май ҳолатига коронавирус юқтириб олганлар сони 145 мингга яқинлашди. 104 мингдан ортиқ киши тузалишга эришган, 4 мингдан зиёд одам қурбон бўлган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Фикр билдириш учун қайдномадан ўтишингиз сўралади ва телефон ракамни тасдиклаш керак булади!