Фукусимада радиоактив балиқ ушланди
Япония шимоли-шарқидаги Фукусима префектурасининг Балиқ овлаш ассоциацияси сўнгги икки йилда биринчи марта радиация билан зарарланган балиқ ушлади. Бу ҳақда “NHK” телеканали маълум қилди.
Таъкидланишича, тутилган балиқ организмидаги радиация даражаси меъёрдан беш баравар юқорини ташкил этган. Шу сабабли, уюшма балиқ овлашни яна тўхтатиб туришга қарор қилган.
2011 йил март ойида юз берган цунами сабабли "Фукусима-1" АЭСда электр таъминоти ва совитиш тизимлари ишдан чиққан. Шу сабабли, ядро ёқилғиси эриб, портлашлар юз берган ва радиация атмосферага тарқалган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
