Францияда қасддан ёнғин чиқаришда гумонланиб 32 киши қўлга олинди

Франциянинг 22 та департаментида қасддан ёнғин чиқаришда гумон қилинган 32 нафар шахс ҳибсга олинган. Мамлакат Ички ишлар вазирлиги бундай ҳаракатлар ҳалокатли оқибатларга олиб келишини ва ўт ўчирувчилар ҳамда аҳоли ҳаётини хавф остига қўйишини билдирган.

Президент Эммануэл Макрон эса фуқароларни ёнғинларнинг олдини олишда масъулиятли бўлишга чақирган.

Франциянинг бир қатор ҳудудларида бир неча кундан бери жазирама иссиқ об-ҳаво сабабли йирик ўрмон ёнғинлари давом этмоқда.