Францияда кекса аёл “бекорчиликдан” ўйинчоқ дўконларини ўмарган

Париж полицияси ўйинчоқ дўконларида 700 дан кўпроқ ўғирликни амалга оширган 72 ёшли аёлни қўлга олди.

Таъкидланишича, кекса аёл ўғирланган товарларни интернетда сотган. Полиция маълумотларига кўра, пенсионер аёл 2018 йил июнидан бошлаб интернетда ўйинчоқлар сотилиши ҳақида 957 та эълон жойлаштирган. У ўйинчоқларни янги ва оригинал қутида, дея таърифлаган. Полиция аёлнинг уйини тинтув қилганда мингга яқин турли буюм ва 40 минг евро нақд пул аниқлаган.

Аёлнинг айтишича, у бу қилмишини асосан “бекорчиликдан” қилган.

Manba: kun.uz