Францияда эркаклардан бири Макроннинг юзига тарсаки туширди (ВИДЕО)

Франция президенти Эммануэль Макрон Дром департаментида одамларнинг олдига чиқди ва шу пайтда эркаклардан бири унинг юзига тарсаки туширди.

Кадрларда Франция етакчиси металл панжара ортида маҳаллий аҳолига яқинлашаётгани акс этган. Макрон эркаклардан бирини қўлидан ушлаб, унга нимадир дейди ва у бунга жавобан президентнинг юзига тарсаки туширади. Соқчилар зудлик билан панжара томон югуриб, давлат раҳбарини четга олиб, ҳужумчини қўлга олишади.

Телеканал маълумотларига кўра, воқеадан кейин икки киши ҳибсга олинган. Хабар қилинишича, Дромга саёҳат Макроннинг мамлакат бўйлаб сафарининг бир қисми бўлган.