Франция элчиси ўз миссиясини якунлади

Кеча, 22 август куни Ўзбекистон Республикаси Ташқи ишлар вазири Абдулазиз Камилов Франция Республикасининг мамлакатимиздаги фаолиятини якунлаётган Фавқулодда ва Мухтор Элчиси Виолен Биет де Вилморни қабул қилди.

Суҳбат чоғида Вазир элчининг муваффақиятли фаолиятини юқори баҳолади ва унинг икки томонлама муносабатларни янада ривожлантириш борасидаги саъй-ҳаракатлари учун миннатдорчилик билдирди.

Ўз навбатида, элчи Ўзбекистон раҳбарияти ва Ташқи ишлар вазирлигига Франция дипломатик миссияси раҳбари сифатидаги фаолиятини амалга оширишда кўрсатган ёрдами учун миннатдорчилик билдирди.