Фотокамера чироқлари шарофати билан беш ёшли қизчанинг кўзида саратон ўсмаси аниқланди
Американинг Огайо штатида яшовчи беш ёшли Грейси Корриган хали гўдак бўлишига қарамай, кўзларида аниқланган ўндан ортиқ саратон ўсмалари туфайли кимёвий терапия олишга мажбур бўляпти. Қизчадаги бу даҳшатли хасталик онасининг уни ажабтовур суратга олишга бўлган қизиқиши сабаб аниқланган.
Қизчанинг онаси Элли Смит айтишича, барчаси 2016 йилда, қизининг суратларини кўриб ўтирган пайтида бошланган. У фарзандининг ўнг кўзи ноодатий тарзда ёниб қолаётганини сезган. Шундан сўнг шифокорларга мурожаат қилган она қизида кам учрайдиган касаллик борлигини, унда зарарли ўсма пайдо бўлганини эшитган.
Шундан сўнг уни Филадельфиядаги офтальмология марказига жўнатишган, у ерда эса мутахассислар қизнинг кўзида ўнлаб ўсмалар пайдо бўлганини қайд этган. Эртаси куниёқ муиахассислар тавсияси билан қизчанинг кўзи олиб ташланган.
Орадан икки ҳафта ўтиб,Грейси кимёвий терапиялар курсини ола бошлаган. Хозир қизча беш ёшга тўлди ва аллақачон протезга кўникиб кетган Грейси мактабга тайёрланмоқда.
life.ru
