Флойд Мейвезернинг бугунги жанги номаълум муддатга қолдирилди

A A A
Флойд Мейвезернинг бугунги жанги номаълум муддатга қолдирилди

Бугун БАА пойтахти Абу-Даби шаҳрида бокс афсонаси Флойд Мейвезер иштирокидаги кўргазмали жанг ўтказилиши керак эди.

Фаолиятини мағлубият ва дурангсиз якунлаган америкалик боксчининг ватандоши Дон Мурга қарши рингга чиқиши белгиланганди. Аммо, ушбу кўргазмали жанг номаълум муддатга қолдирилди. Бу ҳақда Global Titans директори Удай Сингх хабар берди.

Бунга БАА президенти Шайх Халифа Бен Зайднинг вафоти сабаб бўлди. Кеча БАА раҳбари омонатини топширган эди. Мамлакат президентининг вафоти сабаб БААда 40 кунлик мотам эълон қилинди. Ташкилотчилар жангнинг янги санасини кейинроқ маълум қилишади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Фикр билдириш учун қайдномадан ўтишингиз сўралади ва телефон ракамни тасдиклаш керак булади!