ФИФА ЖЧ-2022да ишлайдиган ҳакамлар рўйхатини эълон қилди

ФИФА ЖЧ-2022да ишлайдиган ҳакамлар рўйхатини эълон қилди

ФИФА Қатарда ўтадиган жаҳон чемпионатида иштирок этадиган ҳакамлар рўйхатини эълон қилди. Унга кўра, мундиал тарихида илк марта аёл ҳакамлар ҳам мусобақада фаолият юритади.

ФИФА рўйхатидан турли қитъалардан 36 нафар бош ҳакам, 69 нафар қанот ҳакамлари ва 24 нафар VAR реферилари жой олган бўлиб, улар орасида Ўзбекистондан ҳакамлар йўқ.

Эркаклар ўртасидаги жаҳон чемпионати тарихида илк марта аёл ҳакамлар - Стефани Фраппар (Франция), Салима Мукансанга (Руанда) ва Йосими Ямасита (Япония) бош ҳакам сифатида фаолият юритса, Неуза Бэк (Бразилия), Карен Диас Медина (Мексика) ва Кэтрин Несбитт (АҚШ) қанот ҳакамлари сифатида ишлашади.

Шунингдек, ЖЧ-2022да Англиядан Энтони Тэйлор ва Майкл Оливер, Бразилиядан Рафаэл Клаус ва Уилтон Сампайо, Аргентинадан Факундо Тельо ва Фернандо Рапаллини иштирок этади. Испаниядан Матеу Лаос, Италиядан Даниэле Орсато, Германиядан эса Даниэл Зиберт Қатардаги турнирга таклиф олган.

ЖЧ-2022 ҳакамлари тўлиқ рўйхати:

ФИФА ЖЧ-2022да ишлайдиган ҳакамлар рўйхатини эълон қилди

Эслатиб ўтамиз, 2010 йилдан буён илк марта жаҳон чемпионатида ўзбекистонлик ҳакамлар бўлмайди. Бунгача Равшан Эрматов бошчилигидаги ҳакамлар гуруҳи ЖАР-2010, Бразилия-2014 ва Россия-2018 мундиалларида иштирок этганди. ЖЧ-2022 баҳслари ноябрь ва декабрь ойларида ўтказилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!